სულ ცოტა რვა ადამიანი დაიღუპა ტერორისტული აქტის დროს სომალის ქალაქ მოგადიშუში. პრეზიდენტის რეზიდენციის მიმდებარედ ულტრაკონსერვატიულმა ჯიჰადისტების ჯგუფმა ალ-შებაბმა ავტომობილი ააფეთქა.
ადგილობრივმა პოლიციამ ოფიციალურ განცხადებაში თქვა, რომ 8 დაღუპულთან ერთად 7 მოქალაქე დაიჭრა.
"ამ ტერიტორიაზე გადასასვლელი პუნქტია, სადაც მანქანებს პოლიცია ამოწმებს. ეს კონკრეტული ავტომობილი დაცვის წარმომადგენლებმა შეაჩერეს. აფეთქება მაშინ მოხდა, როდესაც მისი შემოწმება მიმდინარეობდა", - თქვა თვითმხილველმა.
ალ-ქაედასთან აფილირებული დაჯგუფება ალ შებაბიმოგადიშუს 2011 წლამდე მართავდა მანამ, სანამ გაერთიანებული აფრიკის ჯარებმა ქალაქზე კონტროლი არ აიღეს.