სომხეთის ეროვნული უსაფრთხოების სამსახურის ყოფილი დირექტორი გარდაცვლილი იპოვეს

ერევანში სომხეთის ეროვნული უსაფრთხოების სამსახურის ყოფილი დირექტორი გარდაცვლილი იპოვეს. 38 წლის გეორგ კუტოიანის ცხედარი პირველად მეუღლემ ნახა.

სომხეთის ეროვნული უსაფრთხოების სამსახურის ყოფილ დირექტორს ჭრილობა ცეცხლსასროლი იარაღიდან აქვს მიყენებული.

ცნობისთვის, კუტოიანი სომხეთის ეროვნული უსაფრთხოების სამსახურის დირექტორად 2016 წლის თებერვალში დაინიშნა. მანამდე ის სამართლებრივ საკითხებში სომხეთის პრეზიდენტის თანაშემწედ მუშაობდა.

2018 წლის მაისში, სომხეთის პრეზიდენტმა, არმენ სარქისიანმა გეორგი კუტოიანი თანამდებობიდან გაათავისუფლა.