სომხეთში ახალი ტიპის კორონავირუსი ბოლო 24 საათის განმავლობაში 129 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 345 255-ს მიაღწია. Report.ge-ს ცნობით, ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 7 989 ადამიანი გარდაიცვალა, მათ შორის 3 გასული დღე-ღამის განმავლობაში ამას გარდა, გარდაცვლილია 1 511 ინფიცირებული, თუმცა მათი გარდაცვალების მიზეზად სხვა დაავადებები სახელდება.
სომხეთის ჯანდაცვის სამინისტროს მონაცემებით, კორონავირუსისგან 332 304 პაციენტი გამოჯანმრთელდა, ხოლო 3 451 ამ დრომდე მკურნალობს. პანდემიის პერიოდში ქვეყანაში ჯამში 2 586 737 ტესტია ჩატარებული.