სომხეთში ახალი ტიპის კორონავირუსი ბოლო 24 საათის განმავლობაში 166 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 228 798-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 4 587 ადამიანი გარდაიცვალა, მათ შორის 3 გასული დღე ღამის განმავლობაში.
სომხეთის ჯანდაცვის სამინისტროს მონაცემებით, კორონავირუსისგან 219 062 პაციენტი გამოჯანმრთელდა.
25 ივლისის მდგომარეობით, აქტიური შემთხვევების რაოდენობა 4 034 შეადგენს.