სომხეთში ახალი ტიპის კორონავირუსი ბოლო 24 საათის განმავლობაში 501 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 245 765-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 4 939 ადამიანი გარდაიცვალა, მათ შორის 15 გასული დღე-ღამის განმავლობაში. ამას გარდა, 1 167-ის გარდაცვალების მიზეზად სხვა დაავადებები დასახელდა.
სომხეთის ჯანდაცვის სამინისტროს მონაცემებით, კორონავირუსისგან 229 957 პაციენტი გამოჯანმრთელდა.