NATO-ს გენერალურმა მდივანმა იენს სტოლტენბერგმა, ჩინეთის მზარდი პოტენციალის ფონზე მსოფლიო საფრთხეების, ტერორიზმისა და რუსეთის აგრესიის წინააღმდეგ საბრძოლველად, ალიანსის წევრ ქვეყნებს თავდაცვაზე ხარჯების გაზრდისკენ მოუწოდა.
NATO-ს გენერალური მდივნის თქმით, დემოკრატია, ღირებულებები, წესებსა და კანონებზე დამყარებული მსოფლიო წესრიგი გამოწვევების წინაშე დგას. შესაბამისად, უკიდურესად კონკურენტულ და მოულოდნელობებით სავსე სამყაროში ალიანსი ნებისმიერ საფრთხეზე მყისიერი და ეფექტური რეაგირებისთვის მზად უნდა იყოს.