სტოლტენბერგი: NATO-ს მოკავშირეებთან გვექნება კონსულტაციები ნავალნის მოწამვლასთან დაკავშირებით

ნატო-ს გენერალური მდივანი იენს სტოლტენბერგი, რუსი ოპოზიციონერის, ალექსეი ნავალნის  „ნოვიჩოკით“ შესაძლო მოწამვლის საკითხს Twitter-ზე ეხმაურება. 

„გერმანიამ განაცხადა, რომ ალექსეი ნავალნი „ნოვიჩოკით“ თავდასხმის მსხვერპლია. მე კატეგორიულად ვგმობ სამხედრო დონის ნერვული აგენტის (ნივთიერების) გამოყენებას, რაც კიდევ უფრო გადაუდებელს ხდის რუსეთის მიერ სრული და გამჭვირვალე გამოძიების ჩატარებას. ჩვენ კონსულტაციას გავივლით გერმანიასა და ნატო-ს ყველა მოკავშირესთან შესაძლო შედეგებთან დაკავშირებით“, - აცხადებს სტოლტენბერგი.