ტაილანდში, ბოლო ორი თვის განმავლობაში, პირველად მოხდა, რომ კორონავირუსის ახალი შემთხვევა არ დაფიქსირებულა. ამის შესახებ ინფორმაციას სააგენტო Reuters ავრცელებს.
ქვეყნის ხელისუფლებამ კორონავირუსით გამოწვეული შეზღუდვების შემსუბუქება დაიწყო. თუმცა ჰიგიენური წესების დაცვა, პირბადებიის ტარება და სოციალური დისტანციის შენარჩუნება კვლავ ძალაში რჩება.
ტაილანდში კორონავირუსის პირველი შემთხვევა 13 იანვარს ჩინეთიდან ჩასულ ტურისტს დაუფიქსირდა. ქვეყანაში სულ COVID-19-ის 3 017 შემთხვევა და 56 გარდაცვალება დაფიქსირდა.