ჩინური კომპანია ByteDance-ის შემოსავალი, რომელიც ვიდეო აპლიკაცია TikTok-ს ფლობს, 2020 წელს 111%-ით გაიზარდა. ამის შესახებ გამოცემა The Wall Street Journal წერს.
კომპანიის თანამშრომლებზე გაცემულმა მემორანდუმამ აჩვენა, რომ გასულ წელს ფირმის მთლიანმა შემოსავალმა 34,3 მილიარდ აშშ დოლარს მიაღწია.
ByteDance–ის წლიური მთლიანი მოგება ასევე 93%-ით გაიზარდა, 19 მილიარდ დოლარამდე.
გასულ წელს ByteDance-ს 1,9 მილიარდი აქტიური მომხმარებელი ჰყავდა.