აშშ-ის ყოფილი პრეზიდენტი დონალდ ტრამპი მიიჩნევს, რომ მას შემდეგ, რაც მისი ანგარიშები Twitter-მა სამუდამოდ დაბლოკა, სოციალური ქსელი „მოსაწყენი“ და „უსარგებლო“ გახდა. ამის შესახებ ტრამპმა Fox News-სთან ინტერვიუში განაცხადა.
ტრამპის თქმით, იგი მედიასთან და საზოგადოებასთან კომუნიკაციას პრესრელიზებით ამჯობინებს.
როგორც ექსპრეზიდენტმა აღნიშნა, როდესაც მან, მრავალი წლის წინ, Twitter-ის გამოყენება დაიწყო, სოციალური ქსელი "წარუმატებელ პლატფორმას" ჰგავდა, მაგრამ მისი "ტვიტების" შემდეგ, იგი პოპულარული გახდა.
შეგახსენებთ, 2021 წლის 7 იანვარს დონალდ ტრამპის Twitter-ის, Facebook-ისა და Instagram-ის ანგარიშები დაიბლოკა.