დონალდ ტრამპი პოლონეთში მეორე მსოფლიო ომის დაწყების 80-ე წლისთავისადმი მიძღვნილ სამიტს არ დაესწრება. CNN-ის ინფორმაციით, ამის მიზეზი ქარიშხალი „დორიანი“ გახდა, რომელიც ფლორიდას უახლოვდება.
„გადავწყვიტე ჩემს ნაცვლად პოლონეთში ვიცეპრეზიდენტი მაიკ პენსი გავგზავნო. ძალიან მნიშვნელოვანია აქ ვიყო. როგორც ჩანს ეს მართლაც ძალიან ძლიერი ქარიშხალი იქნება“, - განუცხადა აშშ-ის პრეზიდენტმა თეთრ სახლში შეკრებილ ჟურნალისტებს.
მანამდე გავრცელდა ინფორმაცია იმის შესახებ, რომ დონალდ ტრამპი ვარშავაში უკრაინის პრეზიდენტ ვოლოდიმირ ზელენსკისთან შეხვედრას გეგმავდა. ტრამპმა თავისი გადაწყვეტილების შესახებ პოლონურ მხარეს უკვე შეატყობინა.