სამხრეთ ჩინეთის ზღვაზე, ფილიპინებში ძლიერი წვიმის შემდეგ, შტორმი „მატმო“ წარმოიქმნა, რომელიც ვიეტნამისკენ მიემართება.
ქარიშხალი გზადაგზა უფრო ძლიერდება. იმ დროს, როდესაც ის ვიეტნამს მიაღწევს, ქარის სიმძლავრე 90კმ/სთ იქნება. მოსალოდნელია, რომ ღამით შტორმი ნიაჩანგის სანაპიროს შეუტევს, შემდეგ კი ქვეყნის სიღრმისკენ გადაინაცვლებს და თანდათან შესუსტდება.
ამ დროისთვის ვიეტნამში, კუინიონის სანაპიროზე ძლიერად წვიმს, რასაც სავარაუდოდ ძლიერი წყალდიდობა მოჰყვება.