პრეზიდენტი ვლადიმერ პუტინი და პრეზიდენტი რეჯეფ თაიფ ერდოღანი სირიის, ავღანეთის და ლიბიის საკითხებს განიხილავენ, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
მისი თქმით, პუტინისა და ერდოღანის შეხვედრისთვის, რომელიც სოჭში 29 სექტემბერს არის დაგეგმილი, მზადება გრძელდება.
პესკოვმა აღნიშნა, რომ შეხვედრაზე ასევე განხილული იქნება ორმხრივი ურთიერთობებიც მათ შორის, ეკონომიკის და ერთობლივი პროექტების საკითხებიც.