ბაღდადში ორმაგ ტერაქტზე პასუხისმგებლობა ტერორისტულმა ორგანიზაცია "ისლამურმა სახელმწიფომ" აიღო. ინფორმაციას ამის შესახებ სააგენტო Agence France-Presse ავრცელებს.
შეგახსენებთ, 21 იანვარს ათ-თაიარანის მოედნის ტერიტორიაზე, სადაც ბაზარი მდებარეობს, ერთმანეთის მიყოლებით, ორი აფეთქება მოხდა.
ერაყის არმიის ინფორმაციით, ტერორისტული თავდასხმა ორმა თვითმკვლელმა ტერორისტმა განახორციელა. მათ თავი მაშინ აიფეთქეს, როდესაც მათ უსაფრთხოების სამსახურის თანამშრომლები მისდევდნენ.
ტერაქტის შედეგად 32 ადამიანი დაიღუპა და 110 დაშავდა.