სამხრეთ აფრიკის ხელისუფლება სერფერებსა და მოცურავეებს სიფრთხილისკენ მოუწოდებს და ინდოეთის ოკეანის სამხრეთ და აღმოსავლეთ კონცხის მიდამოებში ზვიგენების არსებობის შესახებ აფრთხილებს.
მედიაში გავრცელდა პლეტენბერგის ყურეში დრონით გადაღებული კადრები, სადაც კარგად ჩანს მოცურავეები და სერფერები, რომელთა გარშემო დიდი ზვიგენი ტრიალებს.
ამჯერად ცხოველს ცნობისმოყვარეობის გარდა სხვა ინტერესი არ გამოუჩენია და მოცურავეებს თავს არ დასხმია. თავის მხრივ ადამიანებმაც სიფრთხილე გამოიჩინეს და ნაპირისკენ გადაინაცვლეს.