თურქეთში, შავი ზღვის სანაპიროს თავზე "სავარაუდო მეტეორიტი" დაფიქსირდა. ჯერჯერობით უცნობია, რა ობიექტი იყო ეს. ამის შესახებ Daily Sabah წერს.
ქალაქ ტრაპიზონის პოლიცია ადასტურებს, რომ თვითმხილველებმა ცაში მოკაშკაშე "ბურთი" ნახეს. სამართალდამცავები ინციდენტის დეტალებს არკვევენ.
სოციალურ ქსელებში მომხმარებლები წერენ, რომ ობიექტი სხვადასხვა პროვინციებში ნახეს.
ოფიციალური განცხადება ჯერ არ გაკეთებულა. ასევე უცნობია, "სავარაუდო მეტეორიტი" ატმოსფეროში დაიწვა, თუ მიწაზე დაეცა.