სტამბოლთან ახლოს, სამრეწველო ზონა ტუზლში ქიმიურ ქარხანაში მომხდარი აფეთქების შედეგად რამდენიმე ადამიანი დაშავდა.
თურქული მედიის ინფორმაციით, ხანძრის ჩაქრობა ჯერ ვერ ხერხდება. ადგილზე 50-ზე მეტი სახანძრო ბრიგადა მუშაობს. პერიმეტრი პოლიციამ გადაკეტა.
სამაშველო სამსახურები აცხადებენ, რომ ჰაერში, შესაძლოა, საშიში ნივთიერებები მოხვდეს.
აფეთქების მიზეზი ჯერჯერობით უცნობია.