უკრაინის მინისტრთა კაბინეტმა დსთ-ს კოსმოსის შესახებ ორი ხელშეკრულებიდან გამოსვლის გადაწყვეტილება მიიღო. სხდომას პირდაპირ ეთერში YouTube-არხზე გადასცემდნენ.
პირველი ხელშეკრულება კოსმოსური სივრცის შესწავლისა და გამოყენების ერთობლივი საქმიანობის დაფინანსების წესს ეხება, რომელიც 1992 წლის 13 ნოემბერს მოსკოვში გაფორმდა.
ამასთან, უკრაინა მეორე ხელშეკრულებიდანაც გამოდის, რომელიც კოსმოსური ინფრასტრუქტურის ობიექტების შენახვასა და გამოყენებას ეხება.
განმარტებით ბარათებში აღნიშნულია, რომ თანამედროვე რეალობაში ეს ხელშეკრულებები უკრაინის ეროვნულ ინტერესებს არ შეესაბამება.