უზბეკეთი ტურისტებს, რომლებიც ქვეყნის მონახულების პერიოდში ახალი ტიპის კორონავირუსით დაინფიცირდებიან კომპენსაციის სახით 3000 აშშ დოლარს გადაუხდის. ამის შესახებ ადგილობრივი მედია იუწყება.
მთავრობის გადაწყვეტილება ითვალისწინებს სანიტარული და ეპიდემიოლოგიური უსაფრთხოების სისტემის - ”უზბეკეთი - უსაფრთხო მგზავრობა გარანტირებულია” დანერგვას. მის ფარგლებში შეიქმნება უსაფრთხო ტურიზმის ფონდი. ტუროპერატორები და სასტუმროები სპეციალურ სერტიფიკატებს მიიღებენ, რომლის გარეშეც ტურისტებთან მუშაობა აკრძალული იქნება.
გავრცელებულია ინფორმაცია, რომ ეს პრაქტიკა ფართოდ გამოიყენება მსოფლიოს მრავალ ქვეყანაში. ტუროპერატორების მიერ საკარანტინო პერიოდში უცხოელი ტურისტებისთვის მომსახურების მიწოდება შეიძლება განხორციელდეს მხოლოდ რეესტრში რეგისტრირებულ ობიექტებზე.