აშშ-ში, ვისკონსინის შტატში, ქალაქ კენოშაში სროლას სამი ადამიანი ემსხვერპლა, ხოლო ორი დაშავდა. ამის შესახებ ინფორმაციას CNN ავრცელებს.
გამოცემის ცნობით, ინციდენტი ქალაქის ერთ-ერთ ბარში მოხდა. დაზარალებულები ჯანმრთელობის მძიმე დაზიანებებით საავადმყოფოში გადაიყვანეს.
ამჟამად, ეჭვმიტანილის ადგილმდებარეობა და დანაშაულის მოტივი უცნობია. მომხდარზე გამოძიება მიმდინარეობს.