ახალქალაქში შუახნის კაცმა 4 ადამიანი დაჭრა.
გავრცელებული ინფორმაციით, დაშავებულებს შორის ერთი 8 თვის ბავშვია.
დაშავებულები კლინიკაში გადაიყვანეს და მათ სიცოცხლეს ახლა საფრთხე არ ემუქრება.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. თავდამსხმელი დაკავებულია.
