3 წლის ბავშვზე ბაგა- ბაღის აღმზრდელმა ფიზიკურად იძალადა. შემთხვევა 128-ე ბაგა ბაღში მოხდა.
როგორც ბაგა- ბაღის დირექტორმა report.ge-სთან საუბარში განაცხადა, პროცესში სამართალდამცველები ჩაერთნენ. ამოღებულია ვიდეო მასალა.
"პარასკევს საღამოს 16:30 საათზე ჰქონდა ერთ-ერთ მშობელს კამერების ნახვის სურვილი იმის გამო რომ ბავშვს ცხვირი ჰქონდა გაწითლებული. ჩანაწერის ნახვის შემდეგ გამოვიძახე პოლიცია. საქმეში ჩართულია საგამოძიებო უწყება. აღმზრდელი გავათავისუფლე სამსახურიდან",- განაცხადა 128-ე ბაგა-ბაღის დირექტორმა report.ge-სთან საუბარში
როგორც შინაგან საქმეთა სამინისტროში report.ge-ს განუცხადეს, მომხდარზე გამოძიება სისხლის სამართლის კოდექსის 126-ე მუხლის მეორე ნაწილით მიმდინარეობს, რაც არასრულწლოვანზე ძალადობას ნიშნავს.
