გურჯაანის რაიონის სოფელ ჩუმლაყში ურთიერთშელაპარაკებით დაწყებული ფიზიკური დაპირისპირება სისხლიან გარჩევაში გადაიზარდა.
გურჯაანის მერის წარმომადგენელმა ჩუმლაყში, ზაზა რუაძემ report.ge-თან საუბრისას განაცხადა, რომ ჯერჯერობით უცნობია, რა გახდა დაპირისპირების მიზეზი.
"მოკლულია 27 წლის ახალგაზრდა, რომელიც გურჯაანის რაიონის სოფელ ახაშენიდან იყო. დაჭრილია 28 წლის ახალგაზრდა, რომელიც ჩუმლაყელია. ის უკვე გადაყვანილია გურჯაანის „ჯეოჰოსპიტალსის“ კლინიკაში, მისი მდგომარეობა მძიმეა",- ამბობს ზაზა რუაძე.
