გორში, კომბინატის დასახლების ტერიტორიაზე, ურთიერთშელაპარაკებისას, 33 წლის მამაკაცი დაჭრეს. დაშავებული სასწრაფო დახმარების ჯგუფმა კლინიკაში გადაიყვანა.
პაციენტს ამ წუთებში გადაუდებელი ოპერაცია უტარდება.
სავარაუდოდ, ორივე პირი, რომელთა შორისაც უთანხმოება მოხდა, არაფხიზელ მდგომარეობაში იმყოფებოდა.
როგორც report.ge-ს შინაგან საქმეთა სამინისტროში განუმარტეს, დანაშაულში მხილებულია ერთი ადამიანი, მომხდარ ფაქტზე გამოძიება დაწყებულია სსკ-ის 118-ე მუხლით, რაც ჯანმრთელობის განზრახ დაზიანებას გულისხმობს.
