გორში, 60 წლამდე პედაგოგს 12 წლის ბავშვის მიმართ გარყვნილ ქმედებაში ადანაშაულებენ.
სავარაუდო ეჭვმიტანილი, გარდა სპორტის მასწავლებლობისა, არის ერთ-ერთი მუნიციპალიტეტის მერის წარმომადგენელი. ის საქმიანობას ამ დრომდე აგრძელებს.
დანაშაული დაახლოებით 1 კვირის წინ საჯარო სკოლაში მოხდა. ბავშვმა მოგვიანებით ფაქტის შესახებ სხვა პედაგოგს უამბო, მან კი შსს-ს მიმართა.
სავარაუდო მოძალადე ჯერჯერობით დაკავებული არ არის, თუმცა შსს-მ გამოძიება სისხლის სამართლის კოდექსის 141-ე მუხლით დაიწყო, რაც გარყვნილ ქმედებას გულისხმობს.
მომხდარზე არ საუბრობს სავარაუდო ძალადობის მსხვერპლის ოჯახი.
ბრალის დამტკიცების შემთხვევაში დამნაშავეს 5-დან 9 წლამდე თავისუფლების აღკვეთა ემუქრება.
