სტამბოლში ქართველებსა და ჩეჩნებს შორის დაპირისპირებას 3 ადამიანის სიცოცხლე ემსხვერპლა, 1 ადამიანი კი დაშავდა, - ამის შესახებ ინფორმაციას თურქული მედია ავრცელებს.
თურქული მედიის ცნობით, გარდაცვლილთა შორის ერთი აზერბაინაჯის მოქალაქეა, ორის - რუსეთის მოქალაქე ჩეჩნები.
შემთხვევა სტამბოლის ერთ-ერთ უბანში, ბაშაკ-შეჰირში, რესტორნის წინ მოხდა და დაპირისპირებაში 7 ადამიანი მონაწილეობდა. დაპირისპირების კადრები ერთ-ერთმა თვითმხილველმა გადაიღო.
გავრცელებული ცნობით, დაპირისპირება ყიდვა-გაყიდვასთან დაკავშირებულ დავას მოჰყვა. დაზარალებულის ცნობით, მასთან ერთად საქართველოს სამი მოქალაქე იმყოფებოდა, რომლებმაც გაქცევა მოახერხეს.
ინციდენტი ადგილობრივი დროით 6-ის ნახევარზე მოხდა. ამჟამად პოლიცია ეჭვმიტანილებს ეძებს.