ბათუმში, ერთ-ერთ კოვიდ-სასტუმროში კოვიდინფიცირებული პაციენტი ექთანს თავს დაესხა და შემდეგ თვითდაზიანებებიც მიიყენა.
ექთნის განმარტებით, პაციენტი მეტადონის პროგრამაში იმყოფებოდა და ის კუთვნილ დოზას განსაზღვრულ საათებში იღებდა, თუმცა დამატებით ითხოვდა წამლის დოზას, რომელიც მას არ ეკუთვნოდა. წამალზე უარის მიღების შემდეგ ის ექთანს თავს დაესხა.
ამ ეტაპზე ექთანი გამოკითხვაზე იმყოფება. საქმეზე მიმდინარეობს გამოძიება.
