ქუთაისის აეროპორტში მოქალაქემ დიდი ოდენობით ნარკოტიკული საშუალების შემოტანა სცადა. ინფორმაციას ფინანსთა სამინისტროს შემოსავლების სამსახური ავრცელებს. უწყების ცნობით, მებაჟე ოფიცრებმა, საბაჟო გამშვებ პუნქტში „ქუთაისის აეროპორტი“, ეჭვის საფუძველზე, საქართველოს მოქალაქე გ.დ.-ს კუთვნილი ბარგი და ხელბარგი შეამოწმეს. ნაპოვნია ნარკოტიკული ნივთიერების შემცველი მედიკამენტი – „მეტადონი“ (72 გრამი).
საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს წყალტუბოს რაიონულ სამმართველოს გადაეცა.
გვანცა ჭანტურია
ავტორი