"ნაციონალური მოძრაობის" ცენტრალურ ოფისს ესროლეს. გავრცელებული ინფორმაციით, ოფისის ფასადზე გაკრულ ნიკა მელიას ბანერს რამდენჯერმე ესროლეს. ინფორმაცია Report.ge-ს "ნაციონალური მოძრაობის" პრესსამსახურში დაუდასტურეს.
მათი განცხადებით, ბანერს 4 ნატყვიარი ეტყობა.
ადგილზე მობილიზებულია საპატრულო პოლიციის ჯგუფები და მიმდინარეობს საგამოძიებო მოქმედებები.
შსს-მ საქმეზე გამოძიება, საქართველოს სისხლის სამართლის კოდექსის 187-ე და 236-ე მუხლებით დაიწყო, რაც სხვისი ნივთის დაზიანებას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.