თბილისში, "ნიკორას" დიღმის ფილიალში, მომხმარებელსა და კონსულტანტს შორის სიტყვიერი დაპირისპირება ფიზიკურ შეურაცხყოფაში გადაიზარდა. მომხმარებელმა ნიკორას თანამშრომელი ცივი იარაღით დაჭრა.
ჯერჯერობით უცნობია რა გახდა დაპირისპირების მიზეზი.
დაშავებული სასწრაფო-სამედიცინო დახმარების ეკიპაჟმა საავადმყოფოში გადაიყვანა. მის სიცოცხლეს საფრთხე არ ემუქრება.
ადგილზე ექსპერტ-კრიმინალისტები მუშაობენ.
როგორც Report.ge-ს შსს-ში განუცხადეს, გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.
სალომე კაპანაძე
ავტორი