ოკუპირებულ აფხაზეთში ორი მამაკაცი მოკლეს. ე.წ. სამართალდამცველების ინფორმაციით, გუშინ სოხუმში სამი მამაკაცის მიმართ გახსნეს ცეცხლი. მათ შორისაა რუსლან გადელია და ბესლან ძიბა. ისინი ადგილზე დაიღუპნენ. მათთან ერთად მყოფი ასლან ზუხბა კი რეანიმაციულ განყოფილებაში გადის მკურნალობას.
მკვლელობის ბრალდებით სოფელ აჩანდარას მკვიდრი იგორ გადელია დააკავეს.
აფხაზეთში ამბობენ, რომ კრიმინალურ კლანებს შორის გავლენების სფეროების გადანაწილება მიმდინარეობს და რომ სწორედ ამ მოვლენებს შეეწირა ორი მოკლული.
