სახელმწიფო უსაფრთხოების სამსახურის ცნობით, გატარებული ოპერატიულ სამძებრო და საგამოძიებო მოქმედებების შედეგად, სუს-ის თანამშრომლებმა ყალბი ფულის გასაღების ფაქტზე სამი პირი დააკავეს.
"გამოძიებით დადგენილია, რომ დროის სხვადასხვა პერიოდში ბრალდებულმა გამოძიებასთან მოთანამშრომლე პირზე გაასაღა ყალბი 100 ლარიანი კუპიურები ჯამში 1400 ლარი, ხოლო დამატებით ყალბი 2000 ლარის გასაღება, თანმხლებ 2 პირთან ერთად განახორციელა 2021 წლის 17 მარტს. გამოძიება საქართველოს სისხლის სამართლის კოდექსის 212-ე მუხლით მიმდინარეობს რაც ყალბი ფულის გასაღებას გულისხმობს.გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო," - აღნიშნულია სუს-ის მიერ გავრცელებულ ინფორმაციაში.
