გორის მუნიციპალიტეტის სოფელ ორთაშენის მიმდებარე ტერიტორიაზე სამართალდამცველებმა 1975 წელს დაბადებული პირი დიდი ოდენობით ნარკოტიკული საშუალების უკანონო შეძენა-შენახვის ბრალდებით დააკავეს. ამის შესახებ ინფორმაცია Report.ge-ს შინაგან საქმეთა სამინისტროდან მიაწოდეს.
დაკავებულის პირადი ჩხრეკისას ნარკოტიკული საშუალება „ბუპრენორფინის“ შემცველი, „სუბოქსინის“ 200 აბი ნივთმტკიცებად ამოიღეს.
გამოძიება სისხლის სამართლის კოდექსის 260-ე მუხლის მე-6 ნაწილის „ა“ ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს.
ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს.
