თურქმა სამართალდამცავებმა, სტამბოლში საქართველოს 2 მოქალაქე დააკავეს. მათ გამოძიება ქურდობას ედავება. როგორც ირკვევა საქართველოს ორ მოქალაქეს დანაშაულის ჩადენის დროს პირბადეები ეკეთათ, რის გამოც მათი იდენტიფიცირება ვერ ხერხდებოდა. სამართალდამცავებმა თითქმის ყველა ქუჩის სათვალთვალო კამერის ჩანაწერები დაათვალიერეს, სადაც დასაშვები იყო, რომ ბოროტმოქმედებმა გაიარეს. ერთ-ერთ ქუჩაზე მამაკაცებმა პირბადეები მოიხსნეს, რაც კამერამ დააფიქსირა. სწორედ ასე მოხერხდა მათი იდენტიფიკაცია და დაკავება.
გამოძიებით, დადგინდა, რომ 35 წლის გ.კ.-მ და გ.ტ.-მ, 8 სხვადასხვა საცხოვრებელი სახლიდან 250 000 ლირის ოდენობის ძვირფასი სამკაულები და ნივთები მოიპარეს.
