მარჯანიშვილის ქუჩაზე ორი ადამიანი დაჭრეს. მათ ჭრილობები ცეცხლსასროლი იარაღიდან მიაყენეს. დაჭრილები მამა-შვილი არიან. თვითმხილველების თქმით სროლას, წინ უძღოდა სიტყვიერი დაპირისპირება.
როგორც report.ge-ს შსს-ში განუცხადეს, ინციდენტს მსხვერპლი არ მოჰყოლია. გამოძიება ორი მუხლით, სსკ-ის 117-ე მუხლის მეშვიდე ნაწილით (ჯანმრთელობის განზრახ მძიმე დაზიანება) და 236-ე მუხლით (ცეცხლსასროლი იარაღის მართლსაწინააღმდეგო შეძენა-შენახვა-ტარება) მიმდინარეობს.
დაკავებული ჯერ არავინ არის. მიმდინარეობს საგამოძიებო მოქმედებები.