სროლა წალენჯიხაში - ერთმანეთს პოლიციელები დაუპირისპირდნენ. სავარაუდოდ, ჩხუბში სამი სამართალდამცველი მონაწილეობდა. ამ დროისთვის, დაკავებულია ჩხუბში მონაწილე ერთი პოლიციელი ბესო ფიფია. როგორც მისი ოჯახის წევრები აცხადებენ, ბესო ფიფია სამსახურში მორიგე იყო, რა გახდა დაპირისპირების მიზეზი, მათთვის უცნობია.
საქმეს, სამეგრელოს საოლქო პროკურატურა იძიებს.
როგორც გენერალურ პროკურატურაში report.ge-ს განუცხადეს, ინციდენტის შედეგად, არავინ დაშავებულა. გამოძიება სისხლის სამართლის კოდექსის 19-108 მუხლით მიმდინარეობს, რაც განზრახ მკვლელობის მცდელობას გულისხმობს.
