ზუგდიდში „საქართველოს ბანკზე“ თავდამსხმელმა, სავარაუდოდ, 19 მძევლიდან კიდევ ერთი ადამიანი გაათავისუფლა.
გავრცელებული ინფორმაციით, გათავისუფლებულია შუა ხნის ქალი, ის სამართალდამცველებმა ტერიტორიიდან გაიყვანეს.
დანარჩენი მძევლების გასათავისუფლებლად სამართალდამცველები მუშაობენ. ზუგდიდიში იმყოფება შინაგან საქმეთა მინისტრი ვახტანგ გომელაურიც.
მძევლის გათავისუფლების შესახებ შინაგან საქმეთა სამინისტროს ოფიციალური ინფორმაცია არ გაუვრცელებია.
ზუგდიდში, „საქართველოს ბანკში“ შეიარაღებული პირი შეიჭრა და მძევლები აიყვანა. შეიარაღებულ პირს ამჟამად 18 მძევალი ჰყავს აყვანილი. გამტაცებელი ნახევარ მილიონ დოლარსა და ვერტმნფრენს ითხოვს, წინააღმდეგ შემთხვევაში მძევლების დახოცვით იმუქრება.
ზუგდიდში, სპეცოპერაცია უკვე რამდენიმე საათია მიმდინარეობს.
