ხაშურში ყაჩაღური თავდასხმა მოხდა.
წინასწარი ინფორმაციით, შეიარაღებული პირები, ერთ-ერთ ოჯახს ფულის გამოძალვის მიზნით თავს დაესხნენ, დაჭრილია ახალგაზრდა ქალი.
დაჭრილი საავადმყოფოშია გადაყვანილი და მას ამ წუთებში სასწრაფო ოპერაცია უტარდება.
როგორც report.ge-ს შინაგან საქმეთა სამინისტროში განუცხადეს, ფაქტზე გამოძიება სს კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.
უწყების ცნობით, მომხდართან დაკავშირებით საგამოძიებო მოქმედებები მიმდინარეობს.
