თბილისში, ლონდონის ბაღში დაჭრილი, 18 წლის საბა გაბედავა ალადაშვილის კლინიკის რეანიმაციულ განყოფილებაში, მართვით სუნთქვაზე იმყოფება.
ახალგაზრდას ცივი იარაღით ჭრილობები წელისა და მუცლის არეში აქვს მიყენებული.
მომხდარზე, სამართალდამცველებმა ერთი პირი დააკავეს.
როგორც Report.ge-ის შსს-ში განუცხადეს, გამოძიება სისხლის სამართლის კოდექსის 117-ე და 236-ე მუხლებით მიმდინარეობს, რაც ჯანმრთელობის გაზრახ მძიმე დაზიანებას და იარაღის უკანონო შეძენა, შენახვა, ტარებას გულისხმობს.
