თელავის ცენტრალურ მოედანზე, ქალაქის მთავარი ნაძვის ხის ნაწილი და საახალწლო ილუმინაციები დაწვეს.
„თელავის მთავარი ნაძვის ხისა და ილუმინაციების პარალელურად, დააზიანეს ალაზნის გამზირისა და კავკასიონის ქუჩის კვეთაზე მდებარე ნაძვის ხის განათებაც. მოგმართავთ თხოვნით, გამოვიჩინოთ სამოქალაქო პასუხისმგებლობა და გავუფრთხილდეთ ჩვენს ქალაქს. ვანდალიზმის ნებისმიერი ფაქტის გამოვლენის შემთხვევაში, თელავის მუნიციპალიტეტის მერია გაატარებს კანონით გათვალისწინებულ ღონისძიებებს“, - აღნიშნულია მუნიციპალიტეტის მერიის განცხადებაში.
მერიაში ამბობენ, რომ ეს არაა პირველი შემთხვევა, როცა ნაძვის ხე და საახალწლო ილუმინაციები დააზიანეს.
