თბილისში, ვერაზე მომხდარი დაპირისპირების შესახებ, რა დროსაც ახალგაზრდა კაცი დაჭრეს, ახალი დეტალები ხდება ცნობილი.
ანჯაფარიძის ქუჩაზე დაჭრილი მამაკაცი 22 წლის ნიკა კვარაცხელიაა.
ის ხეჩინაშვილის სახელობის კლინიკაშია გადაყვანილი.
თვითმხილველები ამბობენ, რომ დაახლოებით 9 გასროლის ხმა გაიგეს.
გავრცელებული ინფორმაციით, პირი, რომელმაც ახალგაზრდა მამაკაცი დაჭრა, ავტომობილით მიიმალა.
დაპირისპირების მიზეზი ჯერჯერობით უცნობია.
როგორც report.ge-ს შინაგან საქმეთა სამინისტროში განუცხადეს, მომხდარზე გამოძიება სამართლის კოდექსის ორი, განზრახ მკვლელობის მცდელობისა (19-108-ე) და იარაღის უკანონო შეძენა-შენახვის (236-ე) მუხლით დაიწყო.