პოლიციამ დააკავა ადამიანი, რომელსაც წუხელ აბაშიძის ქუჩაზე მომხდარი დაპირისპირებისას ორი ახალგაზრდა კაცი დაჭრა. შინაგან საქმეთა სამინისტროს ცნობით, ეჭვმიტანილი ცხელ კვალზე გატარებული ოპერატიული ღონისძიებების შედეგად დააკავეს.
მომხდარზე გამოძიება სსკ-ის 19-109-ე მუხლის მიხედვით მიმდინარეობს, რაც ორი ან მეტი პირის განზრახ მკვლელობის მცდელობას გულისხმობს.
თბილისში, აბაშიძის ქუჩის მიმდებარე ტერიტორიაზე ორი 25-წლამდე ახალგაზრდა მამაკაცი ცივი იარაღით დაჭრეს. ორივე მათგანი საავადმყოფოში გადაიყვანეს. მედიკოსების თქმით, ამ დროისთვის ორივე მათგანი კონტაქტურია.