თავში

ADB-ის 150 მილიონიანი სესხი წყალმომარაგებასა და წყალარინებაზე დაიხარჯება

ADB-ის 150 მილიონიანი სესხი
ADB-ის 150 მილიონიანი სესხი  წყალმომარაგებასა და წყალარინებაზე დაიხარჯება

აზიის განვითარების ბანკმა (ADB) 150 მილიონი აშშ დოლარის ოდენობის სესხი დაამტკიცა, რაც საქართველოში წყალმომარაგებისა და წყალარინების სერვისების გაუმჯობესებას და წყლის სექტორის განვითარებისთვის მთავრობის კომპლექსური მიდგომის შემუშავებას მოხმარდება.

ამის შესახებ report.ge-ს ინფრასტრუქტურისა და რეგიონული განვითარების სამინისტროდან აცნობეს.

უწტების განმარტებით, ეს თანხა დაეხმარება მთავრობის ძალისხმევას განავითაროს ერთიანი წყალმომარაგებისა და წყალარინების პოლიტიკა, რომელიც თანაბრად დაფარავს ქალაქებსა და სოფლებს. სესხი მოხმარდებასამართლებრივი, მარეგულირებელი და ინსტიტუციური გარემოს გაუმჯობესებას, რაც შექმნის ხელსაყრელ პირობებს ახალი ინვესტიციების მოზიდვისა და კერძო სექტორის ჩართულობისთვის.

შესაბამისად, გაიზრდება ოპერირება-მომსახურების შესაძლებლობები და მოხდება აღჭურვილობით უზრუნველყოფა, რაც საქართველოს 10 რეგიონის 57 ქალაქში სერვისებს გააუმჯობესებს. ამ თანხითასევე მთელი ქვეყნის მასშტაბით წყალმომარაგებისა და წყალარინების განვითარების მოსამზადებელი სამუშაოები დაფინანსდება.

ADB ასევე განახორციელებს 250 ათასიაშშ დოლარის ოდენობის ტექნიკურ დახმარებას, რომლითაც საქართველოს შერჩეულ ქალაქებში ქონების მართვის სისტემები წყალმომარაგების მაღალი ტექნოლოგიებით აღიჭურვება.

წყალმომარაგებისა და წყალარინების გაუმჯობესებაში ADB საქართველოს 2011 წლიდან ეხმარება, მას შემდეგ რაც გაერთიანებული წყალმომარაგების კომპანიამ მულტი ტრანშული სესხი მიიღო. ამან გაზარდა წყალმომარაგებისა და წყალარინების სერვისებზე წვდომა ქვეყნის 12 ქალაქში მცხოვრები 300 ათასზე მეტი ადამიანისთვის.

მიმდინარე წლის ივლისში ADB-მ Georgia Global Utilities (GGU) მიერ პირველად გამოშვებულ მწვანე ობლიგაციებში 40 მილიონი დოლარის ინვესტირების შესახებ განაცხადა, რომლის ამონაგები თანხა მოხმარდება წყალმომარაგებისა და წყალარინების სისტემების გაუმჯობესებას თბილისსა და ახლომდებარე მუნიციპალიტეტებში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system