გამოსახულების პროგრამული უზრუნველყოფის პროვაიდერი, ამერიკული კორპორაცია Adobe Inc., ვიდეო რედაქტირების პლატფორმა Frame.io-ს 1,28 მილიარდ აშშ დოლარად ყიდულობს.
Frame.io-ს, რომელიც 2015 წელს დაარსდა, დაახლოებით 1 მილიონი მომხმარებელი ჰყავს.
როგორც Adobe-ს პროდუქციის დირექტორმა და Creative Cloud–ის აღმასრულებელმა ვიცე-პრეზიდენტმა, სკოტ ბელსკიმ განაცხადა, კომპანიის შეძენა Adobe-ს Creative Cloud-ს ახალ შესაძლებლობებს მისცემს.
Creative Cloud მოიცავს 20-ზე მეტ აპლიკაციას და სერვისს პერსონალური კომპიუტერებისთვის და მობილური მოწყობილობებისთვის ფოტოგრაფიის, დიზაინის, ვიდეოს კონტენტისთვის და სხვა. იგი აგრეთვე მოიცავს Photoshop-სა და Illustrator-საც.
გარიგება სავარაუდოდ Adobe-ს ფისკალურ მეოთხე კვარტალში (სექტემბერი-ნოემბერი) დაიხურება.
