მსოფლიო ბაზარზე ალუმინის ფასები სამი წლის განმავლობაში ყველაზე მაღალ ნიშნულზეა. ამის შესახებ Bloomberg წერს.
წლის დასაწყისიდან ალუმინის ფასი 32%–ით გაიზარდა, რაც, სავარაუდოდ, ხელს შეუწყობს სხვადასხვა საქონლის შესყიდვას, რომლის წარმოებაშიც ლითონი გამოიყენება.
ოთხშაბათს ლონდონის ლითონის ბირჟაზე (LME) ალუმინის კონტრაქტები 0.5%-ით გაიზარდა. მათი ღირებულება 2,642 დოლარს მიუახლოვდა, რაც ყველაზე მაღალია 2018 წლის შემდეგ.
ალუმინის ფასებმა 2008 წლის შემდეგ ყველაზე მაღალ დონეს მიაღწია შანხაიშიც. მისი ღირებულება 1.4%-ით არის გაზრდილი და ტონაზე 20,705 იუანს შეადგენს.