2020 წლის აპრილში საქართველოს იმპორტი რეკორდულად, 38.5%-ით შემცირდა.
გასული თვის განმავლობაში საქართველომ უცხოეთიდან ჯამურად $458 მილიონი დოლარის ღირებულების პროდუქცია შეიძინა, რაც 2019 წლის ანალოგიურ პერიოდთან შედარებით $286.8 მილიონი დოლარით ნაკლებია.
ჯამურად, 2020 წლის იანვარ-აპრილში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) $3.46 მილიარდი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 11.8%-ით ნაკლებია. აქედან, ექსპორტი $1.0 მილიარდი აშშ დოლარი იყო (11.9 პროცენტით ნაკლები), ხოლო იმპორტი $2.46 მილიარდი აშშ დოლარი (11.8 პროცენტით ნაკლები).
უარყოფითმა სავაჭრო ბალანსმა 2020 წლის იანვარ-აპრილში $1.46 მილიარდი აშშ დოლარი და საგარეო სავაჭრო ბრუნვის 42.2% შეადგინა.
საქართველოს საგარეო ვაჭრობის დაზუსტებული მონაცემები გამოქვეყნდება მიმდინარე წლის 19 მაისს.
ბელა გელაშვილი
ავტორი