დღეს ჭიდაობის მსოფლიო ჩემპიონებს, გენო პეტრიაშვილს, ბექა ლომთაძეს, ნუგზარ წურწუმიასა და ლაშა გობაძეს „არქის“ დამფუძნებელმა ილია წულაიამ და გენერალურმა დირექტორმა შიო ხეცურიანმა „არქი ისანის“ კომპლექსის ბინები აჩუქეს.
„პირველ რიგში, დიდ მადლობას ვუხდი ბიჭებს, რომლებმაც ჩვენი ქვეყანა მსოფლიო ჩემპიონატზე ღირსეულად წარადგინეს. ვულოცავ მათ ამ დიდ წარმატებას. არქი განაგრძობს ქართული სპორტის მხარდაჭერას და ჯანსაღი ცხოვრების პოპულარიზაციის ხელშეწყობას. ჩვენ ყოველთვის ვგულშემატკივრობთ ქართველ სპორტსმენებს და გვინდა ახალგაზრდა თაობას მოტივაცია მივცეთ, რომ სპორტით დაკავდნენ. სწორედ, ამიტომ, ჭიდაობის მსოფლიო ჩემპიონატზე მიღწეული განსაკუთრებული შედეგის აღსანიშნავად ჩვენს მოჭიდავეებს კომპანია ბინებს „არქი ისანში“ გადასცემს“, - განაცხადა არქის გენერალურმა დირექტორმა, შიო ხეცურიანმა.
"ამ გამარჯვებების უკან დიდი შრომა დგას. მადლობა არქის, რომ ეს შრომა ასე კარგად დაგვიფასდა. ეს არა მხოლოდ ჩვენ გვაძლევს დიდ სტიმულს, არამედ მომავალ თაობასაც. მომავალში ვეცდებით, რომ კიდევ ბევრი ოქროს მედალი მოვუტანოთ ჩვენს საქართველოსა და ჩვენს გულშემატკივრებს", - ამბობენ ქართველი მსოფლიო ჩემპიონები.
როგორც "არქის" მენეჯმენტში განმარტეს, კომპანიის მოგების 5% სოციალურ პასუხისმგებლობას ხმარდება, რომლის ერთერთი მიმართულება ჯანსაღი ცხოვრების წესზე ზრუნვა და ქართული სპორტის მხარდაჭერაა.
ბელა გელაშვილი
ავტორი