ტრამპმა ხელი მოაწერა მთვარეზე და სხვა ციურ სხეულებზე რესურსების კომერციული მოპოვების შესახებ დადგენილებას.
„ამერიკელებს უნდა ჰქონდეთ კოსმოსურ სივრცეში რესურსების კომერციული მიზნით კვლევის, მოპოვების და გამოყენების უფლება,“ - ნათქვამია დოკუმენტში.
ტრამპის ამ აქტს არ იწონებს ოფიციალური მოსკოვი.
«Роскосмос»-მა ტრამპის მიერ მიღებულ ახალ დადგენილებას, მთვარეზე რესურსების მოპოვების უფლების შესახებ, "პლანეტების დაპყრობის გეგმა" უწოდა.
"ისტორიაში უკვე არსებობს მაგალითები, როდესაც ერთმა ქვეყანამ გადაწყვიტა დაეწყო ტერიტორიების დაპყრობა საკუთარი ინტერესების გათვალისწინებით, ყველას ახსოვს რა გამოვიდა”, - ამბობს "როსკოსმოსის" საერთაშორისო თანამშრომლობის უფროსის მოადგილე სერგეი საველეევი.
ბელა გელაშვილი
ავტორი