დეკემბერში, შეერთებულ შტატებში ინფლაციამ 7% შეადგინა და 1982 წლის რეკორდულ ნიშნულს მიაღწია. Report.ge-ს ცნობით, ამის შესახებ ინფორმაციას The New York Times ავრცელებს.
გამოცემის ინფორმაციით, დეკემბერში ინფლაციის მაჩვენებელი ნოემბერთან შედარებით 0,5%-ით არის გაზრდილი, რაც გამოწვეულია კორონავირუსის ეპიდემიითა და მრავალი ბიზნესის გაჩერებით.
განსაკუთრებით გაძვირდა მეორადი მანქანები, საცხოვრებელი და საკვები პროდუქტები. ბოლო წლებში მსუბუქი და სატვირთო მანქანების გაძვირება ინფლაციის ერთ-ერთი მთავარი ფაქტორია. ავტომწარმოებლებს პრობლემები ექმნებათ ნაწილების, განსაკუთრებით აზიიდან შემოტანილი ჩიპების მოპოვებაში.
ამრიგად, ავტომობილებისა და სატვირთო მანქანების ღირებულება წლის განმავლობაში (დეკემბრიდან დეკემბრის ჩათვლით) 37,3%-ით გაიზარდა, სურსათის 6,3%-ით, ტანსაცმლის 5,8%-ით.
ინფლაციაზე ასევე იმოქმედა ელექტროენერგიის გაძვირებამ და იჯარის ფასმა.