აშშ-ის კონგრესმა უკრაინისთვის ტანკსაწინააღმდეგო კომპლექსის მიყიდვას მხარი დაუჭირა. როგორც ამერიკული ბიზნეს-პორტალი Bloomberg იუწყება, Javelin-ის დამატებითი პარტიის ღირებულება 39 მილიონი დოლარია და ის 150 ტანკსაწინააღმდეგო რაკეტის და ორი გამშვები დანადგარის მიყიდვას ითვალისწინებს.
აღსანიშნავია, რომ უკრაინამ იარაღი შტატებისგან 2019 წლის ზაფხულში ითხოვა.
შეგახსენებთ, 12 სექტემბერს აშშ-ს პრეზიდენტის დონალდ ტრამპის ადმინისტრაციამ უკრაინას სამხედრო სფეროში დახმარების სახით 250 მილიონი აშშ დოლარი გამოუყო.
უკრაინის მხარე თვლის, რომ ეს დახმარება ქვეყნის სამხედრო თვალსაზრისით გაძლიერებისა და რუსული აგრესიის საკონტროლოდ სასიცოცხლოდ მნიშვნელოვანია.
ბელა გელაშვილი
ავტორი